~घमराज लुइँटेल~
सागर थियो कुलो बनी सुकेको छ देश
नेपालीकै मुटुभित्र दुखेको छ देश
ढुङ्गो-माटो देखाउँदै नेपाल भन्छन् कोही
यथार्थमा लजाएर लुकेको छ देश
गाँस-वास, कपास छैन, रक्षा पनि छैन
लोकतन्त्रका फोस्रा भाषण भुकेको छ देश
थाप्लामाथि पैतालाका सलामीको मार
शिरको टोपी, हिमालसँगै झुकेको छ देश
कहाँ थिए, कहाँ पुगे छिमेकीलाई हेर
पाइलैपिच्छे मोडमोडमा चुकेको छ देश !
(स्रोत : घमराज लुइँटेलको “झुकेको हिमाल” संग्रह बाट)
