~विशाल परियार~
गयौ बढ्दै अघिअघि जनताका लागि
प्रजातन्त्र शान्ति अनि स्वतन्त्रताका लागि
जीवन भन्दा माथि राष्ट्रको शिर उठाई
अन्यायको पर्दा च्यात्न जनताको बल जुटाई ।
न त ग-यौ प्रवाह गोलीको न त भाका भोलिको
पन्छ्याउँदै बारहरु फलामेती तारहरु
बैरी बिरुद्ध जनआशाको दियो बनेर
विशाल सागरको मार्गदर्शकको मियो बनेर
त्यसैले अमर रहनेछौ सहिद तिमी तारा बनेर ।
सक्दैनन् सबैले रगत बगाउन पराईका लागि
न सक्छन् ढाल बन्न बारुद र गोली बिरुद्ध
तर, तिमीले सक्छौ सपनाको बगैचामा दुनिया फैलाउन
त्यसैले चम्कनेछौ सहिद तिमी तारा बनेर ।
छट्पटी भयो होला कठै ! छातीमा गोली बज्रदा
रोए होलान् जहान बालक त्यो निर्दाेष शरिर ढल्दा
तर, तिम्रो अमरत्वमा लाखांैको मुक्ति थियो
एउटा बहादुरको जीवन कथा इतिहासको पानामा रह्यो
त्यसैले सजाउनेछिन् नेपाल आमा सहिदको नामले ।
(स्रोत : Ganatantradaily)
