गजल : धड्कन देखी माया गर्ने

~इन्दिरा प्रयास~

धड्कन देखी माया गर्ने,जीवनका आधार तिमी
अन्तर मनको भाव बुझ्ने,सपनाका साकार तिमी

अन्धकार त्यो त्यसै हट्छ, तिम्रो साथ पाए पछि
त्यसैले त भन्छु आज, सिंगो मेरो संसार तिमी

अन्जानैमा संबन्ध त जोडिए’थ्यो थाहा नपाई
संरक्षण गरी राख्ने, सौभाग्यका संघार तिमी

सयौ जुनी साथ हुने,कसम खाई जिन्दगीको
पबित्र होस् हाम्रो प्रेम,प्रयासको आकार तिमी

(स्रोत : Shabdahar )