~कपिल अञ्जान~
पक्कै केही न केही गुमाएर निस्किएको छ
कि त उसले यथार्थ लुकाएर निस्किएको छ
हिजोसम्म त घर सजाउँछु भन्दै थियो रे
आज आफ्नै त्यो घर जलाएर निस्किएको छ
सायद हतियारले धोका दिएको हुनुपर्छ
नत्र किन ? कलम समाएर निस्किएको छ
लाग्छ ऊ पनि अब कहिल्यै निदाउने छैन
सुतेकाहरुको चिहान बनाएर निस्किएको छ
पक्कै केही न केही गुमाएर निस्किएको छ
कि त उसले यथार्थ लुकाएर निस्किएको छ
कोहलपुर–२, बाँके
(स्रोत : Prakash dhakal and Arts – Facebook)
