~ओनिक अज्ञात~
म भित्र प्रेम खोज,
थोरै हैन, प्रशस्त भेटाउँछौ !
म भित्र सुन्दरता खोज,
ढुंङ्गा हैन, फूलहरू भटाउँछौ !!
रूप रंग होइन,
साँस फेर्न हावा चाहिन्छ,
जुन अदृश्य छ !
नाता मात्र हैन,
जूनी काट्न माया चाहिन्छ,
जुन महसुस गरिन्छ !!
तिमी सतहमा उभिएका छौ,
मोती बटुल्न सतह मूनि पुग्नु पर्छ !
तिमी ढोकामा पर्खि बसेका छौ,
माया चिन्न धडकन भित्र छिर्नु पर्छ !!
पुस्तक किनेर मात्र
अनि थुपारेर,
ज्ञान लिन सकिन्न !
पानाहरूको दानाहरूलाई
एक एक गरेर,
चपाएर निल्नु पर्छ !!
अक्षरहरू पढेर मात्र
जीवनका उतार चढावहरू
र वास्तविकताहरूलाई,
नाप्न सकिन्न !
पलहरू र क्षणहरूका
सागरमा डुबुल्की लगाएर,
जीवनका पक्षहरूलाई
नियाल्नु पर्छ र
आभाष गर्नु पर्छ !!
त्यसैले, मेरो लुगामा नजाउ,
त्यसभित्र सजिएका सुन्दर मन खोज !
अग्ला महलहरूको मस्ती नखोज,
मुटुको सानो झुपडीमा प्रेम खोज !!
धन सम्पतिको भकारीको पछि न पर,
दुइ दिने जीवनको
सानो सुबासित ओडारमा,
कृतिम पक्कै होइन,
प्राकुतिक संसार र
प्रेमको आनन्द र शान्ति खोज !!!
– Onic Agyat, Kathmandu
– २०७२-८-०५ (2015, November 21)
– Jiwan Yatrama बाट
(स्रोत : रचनाकार स्वयंले ‘Kritisangraha@gmail.com‘ मा पठाईएको । )
