गीत : तिम्रो विश्वाशमा

~आचार्य प्रभा~

तिम्रो विश्वासमा मनको बह पोखेँ
तिम्रो मूल्य मनको तराजुमा जोखेँ ……

अपाङ्ग यो मनको बैशाखी नै थिएन
अधरले कहिल्यै मुस्कान नै पिएन ……..,

तिम्रो भरोशामा मनको कुरा खोलेँ
बेहोशिमा शायद के, के मैले बोलेँ ……,

उराठ यो दिलमा हरियाली थिएन
नजरले कह्ल्यै खुशी नै पिएन ………,

तिम्रो आगमनमा खुशी मैले छरेँ
रित्तो यो दिलमा इन्द्रेणी रङ भरेँ ………….,

तिम्रो विश्वाशमा ………………….,

(अमेरिका )

(स्रोत : Limbu Sansar)