गजल : विचार बदलिन्छ

~स्वामी सुभाष चन्द्र~

मान्छेमा आजकाल विचार बदलिन्छ
हुँदा र नहुँदामा डकार बदलिन्छ

आफ्नो जीवनमा राजकुमार फेर्दै जाँदा
भगवानको घाँटीमा झैं हार बदलिन्छ

विश्वासघाती तिमी , नियति खराब पछि
मान्छेहरूमा त्यसैले त प्यार बदलिन्छ

माया – प्रिति बजार भो , यो कस्तो समय भो
हेर्नोस् त हाट – बजारमा , व्यापार बदलिन्छ

मान्छे उही नै हो , विचार किन बदलिन्छ
समयले कोल्टे फेर्दा , संसार बदलिन्छ ।

(स्रोत : रचनाकार स्वयंले ‘नयाँ रचना पठाउनुहोस्‘ बाट पठाईएको । )