~हरिवंश अाचार्य~
एउटा आँखाबाट मेरो मधेस रोइराछ ।
अर्को आँखाबाट मेरो पहाड बगिराछ ।
आँखा दुइटा भए पनि छाती एउटै छ नि ।
दुई आँखाकै मूल फुटेको छातीभित्रै हो नि ।
मधेस, पहाड छातीभित्र नेपाललाई हालौं ।
छातीभित्र घाउ छ भने देशले नै टालौं ।
पृथ्वी रहेसम्म नेपाल बाँचिरहनुपर्छ ।
हिमाल, पहाड, तराई सधैं एउटै हुनुपर्छ ।
एउटा आँखाबाट मेरो मधेस रोइराछ ।
अर्को आँखाबाट मेरो पहाड बगिराछ ।
एउटा कानभित्र मेरो मधेस चिच्याइराछ ।
अर्को कानभित्र मेरो पहाड कराइराछ ।
कान दुई भए पनि शिर त एउटै हो नि ।
सगरमाथा शिर भएरै हामी बाँच्या हौं नि ।
मनमा द्वेष केही छ भने झिकी फाल्नुपर्छ ।
चन्द्र, सूर्य रहेसम्म नेपाल बाँच्नुपर्छ ।
एउटा कानभित्र मेरो मधेस चिच्याइराछ ।
अर्को कानभित्र मेरो पहाड कराइराछ ।
प्रकाशित: भाद्र २८, २०७२
(स्रोत : Kantipur)
