~डा सुरेश ज्योतिपुञ्ज~
सिरमा लाग्दा कालो बादल छाना भरिभरी।
देशको कथा लेख्ने को छ पाना भरिभरी।
पराइकै भरमा खाने ठुलै दाउ रे हजुरको,
पाउनु भो पोल्टामा कति दाना भरिभरि।
सुनकै थाली हजुर महलमा बस्नेलाई,
छैन कसैलाई एक पट खाना भरिभरी।
सुन्छ कहाँ शहरले,ब्यथा पाखा-मैदानको,
गाउँ बस्ती जले कती सिमाना भरिभरी।
कहिले गाउने एउटै सुरतालमा मिलेर,
थाँती नै छ नयाँ गजलगाना भरिभरी।
झिल्का झिल्का मिल्दा उज्यालो आखिरीमा,
आकाशमा छन जुन- तारा साना भरिभरी।
बोले पाप हुन्छ यहाँ, सत्य साचो कुरा,
अपवाद यो ज्योतिपुञ्ज जमाना भरिभरी।
सिरमा लाग्दा कालो बादल छाना भरिभरी।
देशको कथा लेख्ने को छ पाना भरिभरी।
(स्रोत : नेपाली गजल गुगल ग्रुप )
