~गोविन्दबहादुर कुँवर~
हरेक युध्दमा
भौतिक बलमा गरिने विजय पनि
विजय नै हो
र नैतिक बलमा गरिने बिजय पनि
विजय नै हो
तर ती दुईटामा
दुई ध्रुबजत्तिकै फरक छैन र ?
भौतिक बिजयाका लागि
नीति, नियम र नैतिकताको जरुरत पर्दैन
फगत बाहुबलीहरुको बगाल भए पुग्छ
विधि ,विधान र वौध्दिकताको आवश्यकता पर्दैन
केबल कुतर्कीहरुको जमात भए पुग्छ
इमान, त्याग र समर्पण्ँको दरकार पनि पर्दैन
मात्र चोटटा, चापलुस र चाटुकारहरुको
बथान भए पुग्छ
तर भौतिक विजयमा
बाहिर युध्द जितेको देखिए पनि
भित्र भने बिजेता हारिरहेको हुन्छ
उता नैतिक विजयमा
बाहिर योध्दा पराजित देखिए पनि
भित्र भने उसले
युध्द
जितिराखेको हुन्छ ।
(स्रोत : सम्मोहन साहित्यिक पत्रिका)
