~बिबश बिप्र~ 
बोकेर नसकेको एक बिटो
सुकेको खर जस्तो सपना
आज त लगिसकेछ – कोहि कसैले कतै !
र पो रहेछ –
भोलिपल्ट – घरको बुइकलभरिको
पानीको आहाल पन्छाउन
मेरी श्रीमतीले व्यायाम गर्नु परेको !
र पो रहेछ –
भोलिपल्ट – घरको बुइकलभरिको
पानीको आहाल पन्छाउन
मेरी श्रीमतीले व्यायाम गर्नु परेको !
र पो रहेछ –
मैले सपनामा देखेजस्तै मुठाका मुठा
खरलाई धुरी चढाउनु परेको !
धुरीजस्तै गरी फाटेका मनहरुमा
कहिल्यै बस्न सक्दैनन् सपनाहरु
कहिल्यै हुँदैन सपना र सपनाको प्रेम
एक पटक फाटेपछी मनको धुरी
जतिपटक जसरी जसरी सिएपनी
बस्न नसक्ने हुनेरहेछ मन !
र पो-
बोकेर नसकेको एक बिटो
सुकेको खर जस्तो सपना
आज त लगिसकेछ – कोहि कसैले कतै !
कहिलेकाही घरको घुरीजस्तै
मन पनि भैदिए हुन्थ्यो – जस्तो लागिरहन्छ !
खरहरु बदलिरहने – धुरी
सपनाहरु बदलिरहने – मन
र पो
एकोहोरो टोलाएर आफैंले छाएको
धुरी हेर्दै बसेको हुँदोरहेछु आजकल !
सायद मेरी श्रीमतीले सहि भनेकी हुन् :
”श्रीमान – तपाईंले अझै कयौं पटक
यो धुरीको खर फेरेको बिपना देख्नुछ, मैले” !!
(स्रोत : Dreamlandnepal)
