~सुवास श्रेष्ठ~
साँचो माया कस्तो हुन्छ टुटेपछि थाहा पाएँ
बल्ल आज उनको साथ छुटेपछि थाहा पाएँ।
हाँस्दै खेल्दै रमाउँदै उनकै हात समाउँदै थेँ
सपना पो रैछ त्यो त उठेपछि थाहा पाएँ।
विछोडमा आँसुझारी मान्छे किन रुन्छ भन्थेँ
बिनाकारण आफ्नै माया लुटेपछि थाहा पाएँ।
दु:ख गरी खेर गए कस्तो हुन्छ भन्ने कुरा
आफ्नै बाली असिनाले चुटेपछि थाहा पाएँ।
म जस्तो त यो संसारमा अरु पनि धेरै रैछ
सबै मान्छे एकै ठाउँमा जुटेपछि थाहा पाएँ।
(स्रोत : sathisangamankakura )
