~नरेन्द्र पराशर~
नादप्रणवको यात्रा
दिव्ययात्रा पुरातन
ज्योति-अन्तर्यको यात्रा
दिव्यज्योति सनातन ।
आत्म-चैतन्यको आभा
”योग: कर्मसु कौशलम्”
नित्य-जीवनको प्यासी
”ददामि ते सुधा जलम्” ।
यम, नियमले धन्य
रम्य आसनमा रहोस्
प्राणायाम गरी दीर्घ
प्रत्याहार सुधा बहोस् ।
बहोस् दीर्घायुको गङ्गा
धारणा ध्यानमा खुलोस्
प्रेम, आनन्द, औदार्य
शान्तिमा जिन्दगी भुलोस् ।
भोगले भोग्छ है दुक्ख
सुखको भ्रमले छली
त्यागले लुट्छ आनन्द
नित्यानन्द झिलीमिली ।
प्रणवनादको शब्द
उदाओस् करुणा, दया
जय होस् जय होस् नित्य
”सर्वे सन्तु: निरामया:” ।
(स्रोत : रचनाकारको ब्लगबाट सभार )
