गजल : नपिएकै जहर बढि लाग्दो रैछ सानु

~आयुष चौधरी ‘सम्मोहन’~

नपिएकै जहर बढि लाग्दो रैछ सानु
बिर्सिएकै माया यहाँ जाग्दो रैछ सानु

एउटा स्वप्न जिन्दगीको संगसंगै देखेपनि
थाहै नपाई बिपनामा भाग्दो रैछ सानु

पलपल चस्किदिने बिछोडका घाउहरु
झनै बढि चस्किदिन पाक्दो रैछ सानु

टुक्राउछौ कति तिमी छियाछिया मुटु मेरो
जति रुवाउ मनले तिमीलाई माग्दो रैछ सानु ।।

आयुष “सम्मोहन”
रझेना ५ कृष्ननगर बाँके
हाल ः रेडियो जन आवाज ९७.३ नेपालगञ्ज

(स्रोत : Sahitya Batika)