~पोष्टराज चापागाइ~
लौन भारत, सत्य बोल् त, तेरो हो सुस्ता ?
इतिहास पढी हेर् त , मेरो हो सुस्ता !
नेपालीको रासोबासो सबै लुटदै,
तेरा डाका आई बस्ने डेरो हो सुस्ता ?
विशाल त्यो नेपालको छाती रेटेर,
मेरी आमा ! भनी लाको बेरो हो सुस्ता !
आफ्नो देश रक्षा गर्दै मर्ने पुर्खाले,
रगतले कोरी लेको घेरो हो सुस्ता !
नालापानी जस्ता कैयौं युद्ध लडेर,
किल्लाभित्र पार्या सेरो-फेरो हो सुस्ता !
लौन भारत, सत्य बोल् त, तेरो हो सुस्ता ?
इतिहास पढी हेर् त , मेरो हो सुस्ता !
२०६७-०८-२६
कीर्तिपुर
(स्रोत : Dreamlandnepal)
