~सुवास श्रेष्ठ~
हे नेपाली युवाहरु उठौ अब जाग्नुपर्छ
संसारभरि शान्तिको बिउ छर्नतिर लाग्नुपर्छ।
जोस जाँगर लगाएर सुतेकालाई जगाएर
समाजका कुरिती र विकृतिलाई भगाएर।
जुटौ अब विकासको शिखरतिर ताक्नुपर्छ
हे नेपाली युवाहरु उठौ अब जाग्नुपर्छ।
लेक बेशीं चारै तिर घर-घर आंगन डुल्दै
हातेमालो गरौ अब शत्रुता र रिस भुल्दै।
दुर्व्यवसन कलह देखि हामी टाढा भाग्नुपर्छ
संसारभरि शान्तिको बिउ छर्नतिर लाग्नुपर्छ।
हे नेपाली युवाहरु उठौ अब जाग्नुपर्छ
संसारभरि शान्तिको बिउ छर्नतिर लाग्नुपर्छ।
(स्रोत : sathisangamankakura )
