~मीरा मन थापा~
आफ्नै लास देख्न पाए कस्तो हुन्थ्यो होला !
मेरो वरिपरी बसी को को रून्थ्यो होला !!
मेरो लासमा चढाउन फूलको थुङ्गाबाट !
केस्रा केस्रा च्यातिन्थ्यो कि कोही उन्थ्यो होला !!
रगतमा विभेद खोज्ने स्वार्थी मान्छेहरु !
कस्ले परै बसी हेर्थ्यो कस्ले छुन्थ्यो होला !!
चितामाथी राख्दै गर्दा छ कि श्वास भनी !
कान राखी यो छातीमा कस्ले सुन्थ्यो होला !!
मीरा मन थापा
माईधार झापा, हाल इज़रयल
(स्रोत : Mira Thapa’s Blog)
