गजल : भन्दैछ देश बचाऊ

~मनु लोहोरुङ राई~

माग्दैछ एक अठोट,आफ्नै जगतले आज
भन्दैछ देश बचाऊ, हाम्रै रगतले आज

राष्ट्रको चिन्ह खुकुरी,आफ्नै गर्दनमा हेर !
थामेर राख्न सकेनौं,अन्धो मगजले आज

लिए नि कोही तर्वार ! भए नि अचानो यही
दर्बार ढल्यो छिनैमा,उस्कै हठतले आज

चिहान राख्ने यो माटो, साझा हो हामी सबैको
खसेको खाल्डो पुरेर, उठौँ सजगले आज

मनु लोहोरुङ
सितलपाटी – ६, संखुवासभा
हाल :- न्युयोर्क

(स्रोत : Manu Lohorang Rai’s Blog)