~तिब्वत दर्लामी~
घटाउ अनि जोडमा, रुमलियो जिन्दगी
हरेक मोड–मोडमा, रुमलियो जिन्दगी ।
चल्दै थियो सफर एक साथ रमाउदै
अनायासै बिछोडमा, रुमलियो जिन्दगी ।
माया गर्छु भन्नेले मुटुभरी चोट दिए
चोटैचोटको तोडमा, रुमलियो जिन्दगी ।
धेरै–धरै छन् आउने जानेहरुको भिड त
अञ्जान भई रोडमा, रुमलियो जिन्दगी ।
कहाँ अन्त्य हुन्छ र युद्घको यो सिलसिला
हार्ने र जित्ने होडमा, रुमलियो जिन्दगी ।
तिब्वत दर्लामी
काभ्रे, साल्धारा
१९ अप्रिल २०१०
(स्रोत : Fyangkhola )
