~भगवती बस्नेत~
माया मात्र सधैं कहाँ धोकामा नि बाँची हेर
आफ्नै मात्र दु:ख देख्छौ अरुको नि जाँची हेर
रितिथिति संस्कार नै कुल्चिएर हिड्यौ भन्छौ
आधुनिक समयको चक्रसंगै नाची हेर
खेल ठान्दै पिरतीमा जित्नै पर्छ भन्ने सोच्छौ
मुटुभरि बिछोडका पीडाहरू साँची हेर
खुशी हुन्छौ सधैं अर्को बदनाम हुदाँ किन
अपमानको उपहार आफै माथि टाँसी हेर
सभ्यताको नाम बेची सभ्य बन्न खोज्छौ किन
सत्य युग सम्झिएर कलियुगमा बाँची हेर
– भगवती बस्नेत
April 12, 2011
(स्रोत : Shabdahar )
