~गिरिराज बाँस्कोटा~
तिमिलाई अङ्गालोमा कसाउनुमै मज्जा हुन्छ
ओठमाथि ओठलाई टसाउनुमै मज्जा हुन्छ
आखिर मन मिलाउनु छ मिले पछि जेजे हुन्छ
उन्मादका जोशहरु खसाउनुमै मज्जा हुन्छ
हेर्नेहरु फरक देख्छन,बुझ्ने एउटै बुझ्छन्
रहरलाई रहरमा गसाउनुमै मज्जा हुन्छ
भावमा बग्दै जादा सामीप्य गहिराइमा
जोश भित्र होसहरु पसाउनुमै मज्जा हुन्छ
गहिराई खोज्ने मनमा त्यस्तै मन मिलाएर
क्षणमै थकित बनाई बसाउनुमै मज्जा हुन्छ
तपाईहरु जे–जे भन्नुहोस अर्को बाक्य थप्छु म
काउकुति लागाएर हसाउनुमै मज्जा हुन्छ
(स्रोत : Rajbanskota.wordpress.com)
