~खेमराज गाउँले~
मंसिरमा पञ्चेबाचा बजाउने पालो तिम्रै हो
डोलीभित्र घुम्टो ओढी लजाउने पालो तिम्रै हो ।
तिमीलाईं पुग्ने माया मैले पनि दिएकै हुँ,
अर्कैको माया पाएर अघाउने पालो तिम्रै हो ।
दु:ख मेरो लागि साथी बनिसकेको छ अचेल,
मेरै दु:ख हेरि रमाउने पालो तिम्रै हो ।
मलाईं रुवाए पनि, उनलाईं खुसी दिनु है,
ती आफ्नै हजुरलाईं हसाउने पालो तिम्रै हो ।
गरिबीले गर्दा गाउँले आज टाढा हुनपुर्यो,
सिन्दुर पनि अर्कैको लगाउने पालो तिम्रै हो ।
२ असोज २०६६
खुमेल, रोल्पा
(स्रोत : Khemraj Gaule’s blog)
