गजल : सिउँदो तिम्रो जब ओभानो लाग्यो

~ज्ञानुवाकर पौडेल~

सिउँदो तिम्रो जब ओभानो लाग्यो
घर आफ्नो पनि बिरानो लाग्यो

नजुराए पनि मेल दैवले हाम्रो
सम्बन्ध भने सारै न्यानो लाग्यो

सुनें आज जब विरह गीत तिम्रो
उठूँ र बजाउँ त्यो पियानो लाग्यो

बल्झेर दुख्ता घाउ आज बिछोडको
खोलेर व्यर्थै हेरेछु एल्बम पुरानो लाग्यो

तिमी के गयौ हल्लाउँदै बिदाइको हात
छुट्ने पो हो कि मेरो भक्कानो लाग्यो।

हिमालखबर, मंगलबार , २१ असोज २०७१

(स्रोत : Himal Khabar )