~स्वप्निल नीरव~
प्रिय
सक्छौ माफ गर
सक्दैनौर पनि माफ गर!
हुन सक्छौ
तिमी
कोमल मैन हौ
सुवासित फूल हौ ।
तर…तर
मैले
तिमीलाई पहाड देखे
तटस्थ पत्थर देखे
हुनसक्छ
मेरो
देखाइ भ्रम हो
भूल हो
तर प्रिय
मैले
तिमीलाइ
पहाड देखे
त्यसैले भन्दैछु
प्रिय माफ गर !
तिमी
रिसले रन्किन सक्छौ
घृणाले झन्किन सक्छौ
तर
तिमी
रिसाए पनि
मन दुखाए पनि
म हजारौ पटक भन्छु
तिमी पहाड हौँ !
हे हे !
रिस उठ्यो ?
मन दुख्यो ?
प्रिय पहाड…
स्वप्निल नीरव
दर्छा -८ पाल्पा
(स्रोत : Pallawa.com.np)
