~मेदिनी पाइअस~
(१)
जति जे भन
पुतली न हो तिमी
गुलाव माक्तै
चहारीरहन्छौ र
छाडीरहन्छौ त्यसै ।
(२)
ओ ….सोल्टिनी ज्यू
तिमी नै भन त लौ
तिम्रो त्यो ज्यान
रिकुटेलाई हो या
खास सोल्टी ज्यूलाई ?
(३)
तिमी छौ र त
मेरो नि जीवन छ ,
यै छातीनिर
तिमी धड्किरहन्छौ
म सास फेरिरन्छु ।
(४)
तोङ्वा भन्दा नी
झनै रसिलो छ है
तिम्रो मायां त
जति चुस्यो उति नै
मात लागिरहने ।
(५)
तिमीलाई म
न जून भन्न सक्छु
न त तारा नै
नदिंउ त उपमा
मन मान्दै मान्दैन ।
(असोज ३० गते २०६६ )
(स्रोत : Dobato)
