~इन्द्रकुमार श्रेष्र्ठ ‘ सरित् ‘~
नसमाउ हात मेरा तिमीलाई बात लाग्ला
पिउंदै नपिई जवानीको चर्को मात लाग्ला ।
नपठाउ भो दिन दिनै मायाका चिट्ठीहरु
मेरो सानो मनमा चिट्ठीको ठुलो खात लाग्ला ।
मलाई पाउंछु भनेर नधाउ मेरो घर
मेरो मन अन्तै छ तिमीलाई शुन्य हात लाग्ला ।
मलाई नपाउदैमा जोगी नै बन्नु पर्दैन
कर्मयोगी बन नत्र दशा साढे सात लाग्ला ।
नसमाउ हात मेरा तिमीलाई बात लाग्ला
पिउंदै नपिई जवानीको चर्को मात लाग्ला ।
(स्रोत : Dobato)
