गजल : थपघट हुँदो रै'छ भाउ - साहित्य सङ्ग्रहालयसाहित्य सङ्ग्रहालय

~रेशम बोहोरा ‘भाबुक’~

थपघट हुँदो रै’छ भाउ जिन्दगीमा
दुख्न बिसो हुन्न रै’छ घाउ जिन्दगीमा

उधारो’मै बित्ने रै’छ अभावको यात्रा
सधै भरि पोस्नु पर्ने साउ जिन्दगीमा

जित्नेहरु जितिरा’छन् खाल सधैभरी
किन लाग्दैन हार्नेलाई दाउ जिन्दगीमा

हुनेलाई सधैभरी दुवै हातमा लड्डु
नहुनेले मोल्नुपर्ने पाउ जिन्दगीमा

यस्तै रै’छ संसारभरी चली आ’को रित
जंघार तर्न ख्याऊनै पर्ने नाऊ जिन्दगीमा

निलकण्ठ-६ धादिंग,
हाल:बहराईन

गजल : थपघट हुँदो रै’छ भाउ