~साजन राई ‘उपेक्षित’~
आफ्नो छायाँ
आफ्नो छायाँ आफै देखि छुटाउदैछु ठुली।
तिम्रै लागि सब थोक लुटाउदैछु ठुली ।।
हाम्रो दुई संसार अट्ने प्रेमील बगैचाको
समस्या र बाधा अड्चन फुटाउदैछु ठुली ।।
ठुली
तिमी देखी टाढा हुन तर्किदैछु ठुली
मीठो कुरा बोले पनि झर्किदैछु ठुली ।
सँगै बसे पिरतीको बास हुन्न रैछ
त्यही फाट्ने सम्बन्ध पर्खदैछु ठुली ।।
सयपत्रीले मलाई नै डाक्दै होला
सयपत्रीले मलाई नै डाक्दै होला ठुली
चेलीहरू मेरै बाटो ताक्दै होला ठुली ।।
भनी देऊ तिम्रो माइती आउन पाउदैन
मेरै नाममा मासु, रोटी पाक्दै होला ठुली ।।
(स्रोत : Majheri )
