~डा ज्योतिपुञ्ज सुरेश~
लडाईमा बन्दुक बोके,राजा हुन्छ यहाँ।
मैदान ईराक,काबुल, गाजा हुन्छ यहाँ।
नियम हो प्रकृतिमा,अन्याय निर्धामाथि,
कमै मात्र बलियोचाँही,खाजा हुन्छ यहाँ।
छैन गीत मान्छेको, गाउने अर्कै कुरा,
बारूद तोप गोली,आज, बाजा हुन्छ यहाँ।
कहाँतीर लागे कुन्नी,मान्छेजस्ता मान्छे?
रगतैमा डुब्या खबर, ताजा हुन्छ यहाँ।
लडाईमा बन्दुक बोके,राजा हुन्छ यहाँ।
मैदान ईराक,काबुल, गाजा हुन्छ यहाँ।
जन्मस्थान-पोखरा
स्थाई घर -नुवाकोट,चतुराले
अस्थायी -काठमान्डु
हाल,
चिकित्साशास्त्र
एम बि बि यस चौथो बर्ष
जिप्मेर मेडिकल कलेज
पन्डिचेरी
2010-06-02
(स्रोत : नेपाली गजल गुगल ग्रुप )
