~दलबीर सिंह बाराइली ‘घायल’~
यो मुटुमा कस्तो रोग सारेर गयौ नि
वल्लो घाट् न पल्लो तिर पारेर गयौ नि
मुर्छा पर्दै आँशु झारी रोएँ म बेस्सरी
आउँछु म चाँडै भनि टारेर गयौ नि
तड्पिएर बाँच्नु पर्ने कस्तो हो सिमाना
समयको लामो बार बारेर गयौ नि
फूल जस्तो यो जवानी सुम्पिएँ के भो र ?
सम्पतिको लागि माया मारेर गयौ नि
कस्तो खुशी पाउँछौ र मलाइ रुवाइ
मेरो खुशी जुवामा झैं हारेर गयौ नि
August 23, 2010
दलबीर सिंह बाराइली ‘घायल’
गुप्तेश्वर-३, रामेछाप
हाल:अबुधबी, युएई
(स्रोत : INLS UAE )
