गजल : नसोच्नुस आमा धनले आकास छुँदैछ छोरो प्रदेशमा

~विनित ‘सानु’~

नसोच्नुस आमा धनले आकास छुँदैछ छोरो प्रदेशमा ।
जुठेल्नाको एक–कुनामा बसी रुँदैछ छोरो प्रदेशमा ।।

कहाँ छ तिम्रो लाडे प्यार, झुत्रो–झाम्रो टाला–टुली,
पुरानै खरको छानो झैं चुँदैछ छोरो प्रदेशमा ।

बेसरावी–बेअम्मली कति सोझो कति सज्जन,
आज तिनै सरावका गिलास धुँदैछ छोरो प्रदेशमा ।

जुठेल्नाको एक–कुनामा बसी रुँदैछ छोरो प्रदेशमा ।।

Bikas Magar
7/1 Green St.
Kogarah 2217
NSW, Sydney

(स्रोत : नेपाली गजल गुगल ग्रुप )