~दिनेश ज्ञवाली~
तपाईँले त पाइला मात्रै टेके पनि जमघट विशेष हुन्छ
हामीले बोले पो जथाभावी, तपाईँले बोले उपदेश हुन्छ ।
हजार तपाईँका अनुहारहरु हजारौँ विचारहरु
हामीले चाहिँ जुगां मात्रै पाले पनि छद्मभेष हुन्छ ।
तपाइँमै छ दुनियादारी इतिहास तपाईँ पछि पछि
तपाईँले त पाँचलाई तिनले भाग गरे नि नि:शेष हुन्छ ।
मन मिले पो तपाईँ हाम्रो, हामीहरु तपाईँको
मन नमिले तपाईँ के, देउतै पनि अबशेष हुन्छ ।
भो एक्लैले नआट्नुस् तपाईँ, एक्लो बृहस्पती भन्छन्
सबै मिले पो हिमाल पहाड र पहाड मधेश हुन्छ ।
(स्रोत : INLS.Org)
