गजल : इरादा सबै उही भिखारी नयाँनयाँ

~खड्ग सेन ओली~

बिरानो प्रदेश यो चिनारी नयाँनयाँ
म ताप्दैछु प्रेमको छहारी नयाँनयाँ

कसोरी सहूँ म खै! सबै जो प्रहार यी
म देख्दैछु अप्सरा! पियारी नयाँनयाँ

तिनै जो नयाँ थिए, तिनै जो खुशी थिए
तिनैले खुशी दिए, सिँगारी नयाँनयाँ

नजर्को तलाउमा, फसेको शिकार म
म खोज्दैछु सुस्तरी, शिकारी नयाँनयाँ

मलाई सुनाउँछन् सबैले उही कुरा
“इरादा सबै उही भिखारी नयाँनयाँ”

April 11, 2009

(स्रोत: Khadgasen Oli sir’s Facebook)