~होमनाथ सुवेदी~
त्यो सूर्यमा ग्रहण लाग्छ सदा रहन्न
यो देशमा दुर्दिन आउछ भाग्न हुन्न
मान्छेहरु चरित्रघात गरेर लुट्छन्
दीपावली अगि बढे अब सह्य हुन्न ।
लौ अन्धकार सब नै निचरेर आयो
मान्छे निशाचरहरु निमठेर आयो
मारेर धूर्त सतको पथ खोल्न आयो
दीपावली सुख र शान्ति लिएर आयो ।
द्यौसी सुनी ह्दयमा अति घाम लाग्छ
लाली गुराँससित मङ्गल कामना छ
बालौं बलौं विजय यो नव दीपमा छ
बाडौं अथाह मुटुको सुभकामना छ ।
उडबृज, भर्जिनीया
(स्रोत : Khasskhass)
