~विमल गौतम~
जा ए ६६ साल फर्किएर नहेरी जा
तेरा दुष्कर्म हरु साथै लिएर जा
बास्पानी र डूड़े झारीको घटना लिएर जा
जमिम, सिन्हानिया हरुको रगत पिएर जा
सुन्तली धामी के भन्छिन उनलाई सोधेर जा
स्वर्ग जानेकाम गरिनस नर्कको बाटो रोजेर जा
जा ए ६६ साल …………………………..
संसद भित्रको किचलोहरु आफैं लिएर जा
संबिधान घोषणा गर्ने मन्त्र त्यहाँ दिएर जा
कहिले नसकिने सत्ताको खेल रोकेर जा
आज सम्मको कुकर्म नछोडी बोकेर जा
जा ए ६६ साल फर्किएर नहेरी जा
तेरा दुष्कर्म हरु साथै लिएर जा
रियाद
(स्रोत : NRNaksa)
