~प्रमोद धिताल~
कठोरभन्दा कठोर
तानशाहभन्दा पनि क्रूर
धेरै कठोर छ समय–सत्ता
पुरिन्छन् जसको प्रवाहमा
पुरिनै नसकिएका घाउहरु
ढल्छन् जसको प्रहारमा
अकल्पनीय महलहरु
पग्लिन्छन् मैनझैं
दम्भका पर्खालहरु
विजयमा फेरिन्छन् पराजयहरु
पराजयमा फेरिन्छन् विजयहरु
धुलिसात हुन्छन्
क्रूरभन्दा पनि क्रूर
बादशाहका आसनहरु ।
समय सत्ता
यस्तो बलवान सत्ता हो
जसको ब्ल्याकहोलभित्र
समाहित हुन्छन्
बाँकी जम्मै सत्ताहरु ।
२०६७ फागुन
(स्रोत : PraLeSh – Dang)
