गजल : तिमी कता जाने हो ?

~सुन्दरनाथ भावुक सुनिल~

यो बाटोले सोध्छ तिमी कता जाने हो ?
मैलेपनि भनिदिएँ जता तिम्ले लाने हो

यात्रीहरु धेरै छन् यहाँ गन्तब्य नपाएका
नियतिले पनि भन्छ दुख कति खाने हो ?

समय जतिको बलवान अरु केछ र यहाँ
दुख पछी सुख त आउँछ तिम्ले माने हो

बाँच्न त सबै बाँचेकै छन यहाँ रित्तिएर
जिन्दगी त यौटा संघर्ष तिम्ले ठाने हो

अडिएको शितको थोपा पातमा भर हुन्न
सुन्दर जीवन नदेख्ने कस्तो त्यो काने हो //

(स्रोत : Fyangkhola )