~शरद निरोला~
अब त धेरै बर्ष बिते
यो निधारमा देवानान्दको जुल्फी थियो
टिका लगाउँदा दिदी झोक्किईन्थी
तेरो यो जूरेलीको गुंड माथी सार न !
टिका कसरी लाउनु ?
झल्याँस्स भएर निधार छाम्न पुग्छु
आज बीस बर्ष पछि
देवानान्दको जुल्फी बेपत्ता छ
त्यसको ठाउँमा अशोक कुमारको खल्वाट छ
आज त म नेपालमा भएको भए
दीदीको घरमा टीका थाप्न जान्थें
अनि भन्थेँ: दीदी, आज त निधारमा जताततै ठाउँ छ
मेरो बलियो भाग्यको रेखा कोरिदिनोस
मेरो दिर्घायुको शुभकामना गरिदिनोस
तर अहिले त म परदेशमा छुँ ,
प्रत्येक बर्ष तपाँईलाई मीस गर्छु .
(स्रोत : Khasskhass)
