~छक्कु उदासी~
मारे पाप पाले पुण्य भनेर
सिंगो जीवन सुम्पेकै थिएँ बैगुनी !
छाती चिरी देखाउन पो सकिन
चोखो मायाँ गरेकै थिएँ बैगुनी !
सुख दुःख सबै बराबर भनेर
नछुट्ने बाचा गरेकै थिएँ बैगुनी !
निधारको भाग्य पढ्न पो सकिन
हरेक दुःखमा साथ दिएकै थिएँ बैगनी !
खुसी र सुखी जीवन बाँचौला भनेर
कस्ता-कस्ता सम्झौता गरेकै थिएँ बैगुनी !
तिम्रो लागि अजम्बरी भएर फुल्न पो सकिन
तिमीले दिएका चोटहरू सहेकै थिएँ बैगुनी !
गुनीलाई पो गुनको पैंचो गुनै हुन्छ
सिङ्-पुछर भएको बैगुनीलाई के हुन्छ र?
इमानीको पो इमान समाउन सकिन्छ
लाचारी बैमानीको के समाउन सकिन्छ र?
(स्रोत : Majheri.com)
