~ज्योति पौडेल~
अस्तायो सूर्य, अध्यारो छायो नेपाली मनमा |
गहिरो क्षति हुन गो अब नेपाली धनमा ||
ज्ञानका धनी मनका गुनी उपमा के के दिउँ |
राष्ट्रलाई हाक्ने बरिष्ठ नेता तिमीलाई कहाँ पाउँ ||
छोडेर जानै पर्ने यो सत्य नकार्न सकिन्न |
माटोको शरीर माटोमै मिल्दा केहि भन्न सकिन्न ||
जुन जीवन जियौ जीवन्त भई समाज सेवामा |
छोडेर गयौ प्रेमको दीप नेपाली नाउँमा ||
रोइरहेछन् फूल गर्जिए बादल हाम्रो यो शोकमा |
चीर शान्ति मिलोस आत्मालाई तिमी गएको लोकमा ||
(यो कविता न्यू योर्कमा २८ मार्च २०१० मा आयोजित स्वर्गीय श्री गिरिजाप्रसाद कोइरलाज्युको शोक सभा कार्यक्रमा वाचन गरिएको थियो )
– ज्योति पौडेल
न्यू योर्क, संयुक्त राज्य अमेरिका
(स्रोत : INLSNY)
