~शिव प्रसाद सत्याल ‘पीठ’~
विख्यात सहरको
यौटा छिंडीमा सभा गर्न
मानिसहरू मानिस कुर्दै थिए
म फुत्त छिरें,
यौटी पूर्वपरिचिताले
झट्ट अंगालो मारिन्
काँधमा काँध, जाँघमा जाँघ मिलाएर टाँसिइन्
र
अमेरिका जनाउँदै भनिन् –
हाउ आऽ यू ?सञ्चै हुनुहुन्छ ?
मैले भनिदिएँ – ओ ! यू आऽ हियर ? तिमी यहाँ ?
आ’म फाइन्, भेरी फाइन्, म सञ्चै छु, असाध्यै सञ्चै छु
के हुनु र !
बिसञ्चो हुने उमेर गैगो !
शिव प्रसाद सत्याल ‘पीठ’
३० असौज, २०६६, संयुक्त राज्य अमेरिका
(स्रोत : INLSNY)
