कविता : रङ्गिन सपनाहरू

~उषा गिरी~

जीवनका रङ्गिन सपनाहरू
जङ्गलका कन्दमुल खाएर होस्
वा रमाइला क्षेणहरू लुटेर होस्
भावुकताको पोखरीमा
स्वतन्त्र रुपमा
अरुको मन नदुखाई
भूगोलको कुनै पनि कुनामा
संकटहरूलाई भुली
आफूलाई जलाई
चुडिएका मनहरूलाई
मन भाँचिनबाट
हरक्षण
मुस्कुराइरहने
ओठहरूलाई
हावामा बिलाउने जीवनलाई
आमालुपन दिन सक्नुपर्छ
चिन्तनको दहमा डुबी
सुगन्ध प्रबाह गर्दै
आँफै जल्नु पर्छ
बत्तीको शिखा भएर ।।

उषा गिरी
चारपाने,झापा
हाल,ब्रसेल्स बेल्जियम ।।

(स्रोत : Majheri.com)