~अधिकारी विमल कान्छा~
संघियता भन्छौ दाजु भाई मर्ला होसियार ।
लिम्वुवान भन्छौ दाजु राई मर्ला होसियार ।
खोई कुन भूमिमा त सबै थोक चल्छ ,
लिम्बुवानमा चल्दैन गाई मर्ला होसियार ।
घन समाउने दाई यहि भूूमिका सदस्य
बिचल्लिमा पर्ला फलाम ताई मर्ला होसियार ।
घाउ चिरफार गर्ने रोकिएला कामहरु ,
चेपुवामा परेपछि दबाई मर्ला होसियार ।
द्वन्द्व बढ्ला यो देशमा जातिगत बहानाले ,
यो कान्छा ले दुख हजुर पाई मर्ला होसियार ।
अधिकारी विमल कान्छा
जितपूर इलाम
(स्रोत : ‘विकसन’ साहित्यिक पत्रिका – सयुक्ताङ्क-३,४,र ५ (बैशाख-पौष) २०७० )
