~गोविन्द गिरी प्रेरणा~
मेरा शब्दहरु हराएका छन्
म हराएका शब्दहरु
खोजिरहेछु ।
थाहा छैन मेरा शब्दहरु
कसरी हराए
थाहा छैन मेरा शब्दहरु
कहाँ हराए
हराएका शब्दको हुलिया
म बताउन त सक्छु
तर दृष्टान्तका लागि
छैन म सँग सवुत ।
मेरा शब्दहरु
हराएका हुन् कि चोरिएका
मेरा शब्दहरु
खोसिएका हुन् कि अपहरणमा परेका
त्यो पनि मलाई
ठीकठीकसँग थाहा छैन ।
शब्दहरु निहत्था हुन्छन्
अर्थ अदित्तिय बोके पनि
वास्तवमा आफैंमा निर्धा र कमजोर हुन्छन्
शब्दको भौतिक तौल हुंदैन
शब्दको उंचाई र फैलावट हंुदैन
शब्द शब्दै हो
शब्दको भूगोल र इतिहास हुंदैन ।
शब्द हराएर त केही थिएन
फगत् शब्दमा के हुन्छ र
तर शब्दसंगै अर्थ पनि हराएर
वित्यास परेको छर्
अर्थ नभएका शब्दहरु के काम –
ती शब्दमा अर्थ लुकेको थियो
देश प्रेम
अर्थ लुकेको थियो,
भातृत्व,
अर्थ लुकेको थियो
शान्ति
अर्थ अल्झेका थियो
सहिष्णुता
तर हराएका शव्दहरुसंगै
हराएछन् अर्थहरु ।
शब्द हराएपछि
अर्थ पनि हराउंदोरहेछ
एकाएक आफैं ।
मनासस, भर्जिनिया, ३१ जुलाई
