गजल : जित्न खोज्दा खोज्दै पनि हारेको जिन्दगी

~भगवती बस्नेत~

जित्न खोज्दा खोज्दै पनि हारेको जिन्दगी
दु:ख दर्द बेदनाले बारेको जिन्दगी

टाढा भयो हाँसोखुसी अदृश्य क्षितिजमा
देखावटी मुस्कानले टारेको जिन्दगी

गहभित्र लुकाएर आँसु यो बिछोडको
छ जिउँदो अभावले मारेको जिन्दगी

बिबशताको भुमरीमा आँधी झै उर्लिदै
जसोतसो बगरमा नारेको जिन्दगी

बाँच्नु छ कत्ति अझै निष्टुरी जगमा
बाध्यताले अलपत्र पारेको जिन्दगी

(स्रोत : mylovelysansar1 Blog)