गीत : दियौ हात तिमीले र मैले समाएँथे

~भगवती बस्नेत~

दियौ हात तिमीले र मैले समाएँथे
सँगै सँगै हाँसी खुशी हिड्दा रमाएँथे

अनायसै आज तिमी टाढा भयौ किन
जान्ने रैछौ तिमी साह्रै मन्मा चोट दिन
तिम्रै निम्ति सारा नाता टाढा बनाएँथे
तिमी सँगै जिउन पाउँदा धेरै रमाएँथे

निष्ठूरीको जालमा पर्दा भुलेँ सारा खुशी
टुक्रा टुक्रा मुटु भयो रुदै छु म बेसी
बर्षासरी मनभरिको माया बर्षाएँथे
लाग्यो आज बिना अर्थ म नै रमाएँथे

(स्रोत : mylovelysansar1 Blog)