गजल : के मतलब भयो

~अनन्त केसी~

होस् गुमाउने गरी पिउँ म,तिमीलाई के मतलब भयो
वेवारिसे भई जिउँ म, तिमीलाई के मतलब भयो ?

जतन गरी राखेको मन,सुम्पें मैले च्यात्यौ प्रिय
फाटी हिँडौं या त सिउँ म, तिमीलाई के मतलब भयो ?

सम्हालिनै गाह्रो भयो, बेआकार भो जीन्दगी यो
यसलाई आकार नै नदिउँ म, तिमीलाई के मतलब भयो ?

फुलाउन जीन्दगीलाई, माया गरें, ओईलाई झर्यो
आफ्नै कात्रो किनी लिउँ म, तिमीलाई के मतलब भयो?

(स्रोत : Blog)