~गोबिन्द विमली~
टाढा
म भन्दा धेरै टाढा छ
त्यो….सङ्गीत
अनन्त फाँटहरुभन्दा पर छोडिएको
र,
त्यति नै टाढा छु म
चार किल्लाहरुमा कैद
सिमाना रहतले मात्र अङ्कित गर्छ
भावनाले कहिल्यै गर्दैन
म रेटिएको छु भ्वाइलिन
मक्किएको काठभन्दा मधुरो एकान्तमा
एउटा प्राचिन घाम
सुदूर चिर्दे होला सबेरै
निलो आकाशमा उपस्थितिका खातिर
र त्यो, किल्लाहरु भित्र बेकार छ
रिदम नमिलेको अल्पधुन
आजित-
भित्तो, भित्तो अनि भित्तो
यहि हो मेरो भुगोल
म कसरि पुग्न सकौँला
फाँटहरु भन्दा पर अनन्त
भावना भन्दा चार कदन अगाडि
रगतका सिमाहरु मेट्दै
रिदम नमिलेको अल्पधुन रेटेर
त्यो…सङ्गीत भेट्न
सधैँभरिलाई।
(स्रोत : अभिव्यक्ती, अंक १३३)
