~दलबीर सिंह बराइली~
दुखीलाई दु:ख थप्दै, सुखीलाई हर्ष आयो ।
घुम्दै फिर्दै आज फेरी अर्को नयाँ वर्ष आयो ।
महंगिको मार अनी अशान्तिको राज त्यस्तै,
हात मुख जोड्न झनै कठिन संघर्ष आयो ।
आश्वासन कति आए यस्तो गर्छौं उस्तो गर्छौं,
सबै झुठो खाली यस्तै बिचार बिमर्श आयो ।
भ्रष्टचारी महलमा कक्टेल पार्टी गर्दै भन्छ,
कालो धन फापेकोछ लुटौं है निस्कर्ष आयो ।
गरीबको नाम बेची माग्ने नेता साहु भए,
सडकमा भोकै सुत्दा सिरेटोको स्पर्श आयो ।
(स्रोत : नेपाली गजल गुगल ग्रुप )
