~होमनाथ सुवेदी~
गुमानी
गुमानी तिमीले मलाई भुलायौ
कहाँ सागरै पार फाली भुलायौ ।
तलाऊ कहाँ छन् संगै पौडिएका
न पग्लेर छाती पखाली भुलायौ
बिहे भै गयौ दूर छाडी मलाई
दिबाना थिएँ लात हानी भुलायौ ।
थियौ कोमली राष्ट्रकी ढुक्ढुकी नै
फसाएर छाती नराखी भुलायौ ।
गुमानी सहेली र नेपाल नै हौ,
न भेट्ने भनेरै मुसारी भुलायौ ।
चढाई गरी छौ तिमीले मलाई !
म यायावरै हूँ नमारी भुलायौ ।
मुतकारिब वहर मुसम्मन सालिम
यो गजल फारसी शास्त्रीय वहरमा लेखिएको हो । यसलाई मुतकारिब वहर मुसम्मन सालिम भन्दछन् । यो यी रुक्मबाट बन्दछ ः फऊलुन् फऊलुन् फऊलुन् फऊलुन् । यसलाई संकेतमा यसरी लेखिन्छ ः १२२ १२२ १२२ १२२ । यो ह्रस्वलाई १ र दीर्घलाई २ भनेर देखाएको हो ।
March 11th 2007
